پائن ہاؤسنگ سوسائٹی ہر ی پور میں فیملی فیسٹیول کا انعقاد
ہر ی پور (نمائندہ دنیا ) پائن ہاؤسنگ سوسائٹی ہر ی پور میں فقیدالمثال سالانہ فیملی فیسٹیول کا انعقاد کیا گیا۔۔۔
مہمان خصوصی سابق وزیر بلدیات یوسف ایوب خان تھے جنکا پائن سٹی پہنچنے پر اونر پائن سٹی چو دھری فیصل سلیم، سردار شجاع احمد ،منیجر مارکیٹنگ چو دھری ظہور احمد، آپریشن منیجر کرنل ریٹائرڈ فاروق چودھری ، وقار علی،سیلز ڈا ئریکٹر نعمان قیصر ، چو دھری حمزہ نے استقبال کیا۔ یوسف ایوب خان نے کہا پائن ہاؤسنگ سوسائٹی واحد رہائشی منصوبہ ہے جس میں تمام تر سہولیات موجود ہیں جن میں سوئی گیس، بجلی، پانی، ہسپتال، سکول، کشادہ سڑکیں، کشادہ گلیاں، مسجد، پارک اور سکیورٹی سہولیات شامل ہیں ، اسکے علاوہ یہ سوسائٹی باضابطہ طور پر سرکاری محکموں سے رجسٹرڈ بھی ہے ۔ ا نہوں نے کہا 2025 میں ہری پور میں عوام کی خواہش کو مدنظر رکھتے ہوئے ہزاروں کنال پر مشتمل سرکاری ہاؤسنگ سوسائٹی بنائی جائے گی ،جگہ کا تعین کر لیا گیا ہے ۔ پاک آسٹریا یونیورسٹی خانپور منگ میں آئندہ سال سے باضابطہ طور پر داخلوں کے بعد تعلیم شروع کر دیں گے ۔ پائن ہاؤ سنگ سوسائٹی کے مالک چو دھری فیصل سلیم نے کہا کہ سوسائٹی اپنے ممبران کو ہر قسم کی سہولیات کی فراہمی میں کوئی کسر نہیں چھوڑے گی۔ اس موقع پر ممبران پائن سٹی کو عمرے کے ٹکٹ سمیت دیگر انعامات بذریعہ قرعہ اندازی دیئے گئے ۔
