آئیسکو کمپیوٹر سینٹر اور ریجنل ٹریننگ سینٹر کی نئی عمارت کا افتتاح
اسلام آباد(دنیا رپورٹ)سربراہ آئیسکو محمد نعیم جان نے جنرل منیجر آپریشن محمد اسلم خان، چیف انجینئر ڈویلپمنٹ کامران آفتاب اور دیگر سینئر افسران کے ہمراہ آئیسکو کمپیوٹر سینٹر اور ریجنل ٹریننگ سینٹر کی نئی عمارت کا افتتاح کیا۔
انہوں نے کہا کے معزز صارفین کو بہترین اور بروقت سروسز کی فراہمی کو یقینی بنانا ہماری اہم ترین ذمہ داری ہے ، ان ٹارگٹس کا حصول جدید ٹیکنالوجی اور افسران و سٹاف کی دور حاضر کے تقاضوں کے مطابق ٹریننگ سے ممکن ہو گا۔ آئیسکو چیئرمین ڈاکٹر طاہر مسعود اور دیگر بورڈ ممبران کا و یژن صارفین کو بہترین سروسز کی فراہمی کے ساتھ ساتھ دفتری امور اور کسٹمر سینٹرز میں جدید ٹیکنالوجی کے نفاذ کو یقینی بنانا ہے ۔ ڈائریکٹر کمپیوٹر عمران شاہد اور پرنسپل ریجنل ٹریننگ سینٹر صدف رشید نے چیف ایگزیکٹو اور دیگر افسران کو بریفنگ دی۔
روزنامہ دنیا ایپ انسٹال کریں
