سرینا انٹر چینج کا افتتاح آج، منصوبہ ریکارڈ 72دن میں مکمل:نقوی

اسلام آباد (خصوصی رپورٹر) سرینا انٹر چینج منصوبے کا افتتاح آج ہو گا، وفاقی وزیر داخلہ محسن نقوی نے گزشتہ روز پراجیکٹ کا دورہ کیا اور منصوبے کی رفتار اور افتتاح کے انتظامات کا جائزہ لیا۔
بریفنگ کے دوران وزیر داخلہ نے کہا سرینا چوک انٹرچینج ریکارڈ 72 دن میں مکمل کیا گیا، منصوبے کی تکمیل سے اسلام آباد شہر کا ٹریفک کا دیرینہ مسئلہ حل ہوگا، سرینا چوک انٹرچینج پراجیکٹ تین انڈر پاسز اور رابطہ سڑکوں پر مشتمل ہے ، یہ انٹرچینج سرینا ہوٹل، کنونشن سنٹر، شاہراہ دستور اور ڈپلومیٹک انکلیو کے جنکشن پر واقع ہے ، انٹرچینج کو خوبصورت درختوں، پھولوں اور لینڈ سکیپنگ سے مزین کیا گیا ہے ۔ چیئرمین سی ڈی اے اور ان کی ٹیم پراجیکٹ کی تکمیل پر مبارکباد کی مستحق ہے ۔