نئے انٹرچینج منصوبوں کی خوبصورت لینڈ سکیپنگ کی ہدایت
اسلام آباد (خصوصی رپورٹر) چیئرمین سی ڈی اے محمد علی رندھاوا کی زیر صدارت جناح سکوائر اور طیب اردوان انٹرچینج منصوبوں کی لینڈ سکیپنگ کے حوالے سے سی ڈی اے ہیڈ کوارٹرز میں اجلاس ہوا۔۔۔
چیئرمین سی ڈی اے نے جناح سکوائر اور طیب اردوان انٹرچینج کے منصوبوں کو خوبصورت اور دیدہ زیب لینڈ سکیپنگ پر زور دیتے ہوئے ہدایت کی کہ دونوں انٹرچینجز کیلئے مختلف اور خوبصورت ڈیزائنز پیش کیے جائیں۔ انہوں نے آرکیٹیکٹس کو منصوبے مزید خوبصورت بنانے کیلئے 3 ڈی ڈیزائنز تیار کرنے کی بھی ہدایت کی اور کہا دونوں منصوبوں میں تعمیر کیے گئے انڈر پاسز کو جدید اور خوبصورت ایل ای ڈی لائٹس سے مزین کیا جائے ، لینڈ سکیپنگ کیلئے جامع ، پائیدار اور قابل عمل ڈیزائن بنایا جائے ، کم سے کم وقت میں طویل المدت بنیادوں پر جدید خطوط پر استوار کیا جائے ۔انہوں نے جناح سکوائر انٹرچینج منصوبے کی لینڈ سکیپنگ پاکستان کی جہدوجہد آزادی کی تاریخ اور تاریخی مقامات کو مدنظر رکھتے ہوئے کرنے کی ہدایت کی۔
