سی ڈی اے ملازمین کوکیبنٹ سے بغیر سمری منظوری پلاٹ دینے کا حکم
اسلام آباد (خصوصی رپورٹر)سی ڈی اے مزدور یونین کے اسلام آباد ہائیکورٹ میں دائر کیس نمبر2479/2025 پر معززجج جسٹس انعام امین منہاس نے ۔۔
سی ڈی اے انتظامیہ کو ملازمین کوکیبنٹ سے سمری کی منظوری لیے بغیر پلاٹ الاٹ کرنے کے لیے احکامات جاری کر د ئیے ۔ سی ڈی اے نے موقف اختیار کیا تھا کہ سی ڈی اے جسٹس میاں گل حسن اورنگزیب کے فیصلے کے مطابق کیبنٹ سے منظوری کے بعد پلاٹ دینے کو تیار ہے جس پر سی ڈی اے مزدور یونین کے وکیل سید نعیم بخاری نے کہا کہ لاہورہائی کورٹ راولپنڈی بینچ کے جسٹس مولوی انوارالحق ،سپریم کورٹ کے معزز جسٹس بھگوان داس اور جسٹس افتخار محمد چو دھری کے سی ڈی اے ملازمین کو پلاٹ دینے کے فیصلے موجود ہیں جن کی روشنی میں کیبنٹ سے منظوری لینے کی ضرورت نہیں ، جس پر جسٹس انعام امین منہاس نے کیبنٹ سے منظوری لینے والے فیصلے کو ری کال کرتے ہوئے سی ڈی اے کو ہدایت جاری کی کہ وہ خود ملازمین کو پلاٹوں کی الاٹمنٹ جاری کرے اور کیس کو ستمبر کے پہلے ہفتے تک موخر کر دیا ۔ فیصلے سے ملازمین میں خوشی کی لہر دوڑ گئی ۔مزدور یونین کے قائد چودھری یاسین نے کہا کہ آج کا دن تاریخی ہے ، جلد سی ڈی اے ملازمین کو بذریعہ قرعہ اندازی پلاٹ د ئیے جا ئیں گے ۔
