عید سے قبل 25 ٹاؤن میونسپل کارپوریشنز کی بجلی منقطع ،امورمتاثر
کراچی(مانیٹرنگ ڈیسک )عید سے قبل کے الیکٹرک نے 25 ٹاؤن میونسپل کارپوریشن کی بجلی منقطع کی ہے ۔
بجلی منقطع ہونے سے بلدیاتی کاموں میں ملازمین کو مشکلات کا سامنا ہے ،کے الیکٹرک اور انرجی ڈپارٹمنٹ کے تنازع کے سبب بجلی منقطع کی گئی، ٹاؤنز کو عیدِ قربان کی آلائش اٹھانے کے حوالے سے تیاریوں میں مشکلات کا سامنا ہے ۔خیال رہے کہ اس سے قبل کے الیکٹرک نے سندھ حکومت سے ایک ارب 70 کروڑ کی ادائیگی کا مطالبہ کرتے ہوئے کہا تھا کہ واجبات ادا نہیں کیے گئے تو بجلی منقطع کر دیں گے ۔مالی سال کے اختتام پر کے الیکٹرک نے مختلف اداروں سے واجبات کا تقاضا شروع کردیا ہے ، کمپنی نے چیف سیکریٹری اور سیکریٹری توانائی کو خط ارسال کر دیے ہیں۔کے الیکٹرک نے سندھ حکومت سے ایک ارب 70 کروڑ روپے واجبات کی ادائیگی کا مطالبہ کرتے ہوئے کہا تھا کہ واجبات ادا نہیں کیے تو بجلی منقطع کر دیں گے ۔
