تھرپارکر :آسمانی بجلی گرنے سے خاتون جاں بحق،مویشی ہلاک
![تھرپارکر :آسمانی بجلی گرنے سے خاتون جاں بحق،مویشی ہلاک](https://dunya.com.pk/newweb/images/placeholders_gen_image.jpg)
تھرپارکر (نمائندہ دنیا )تھرپارکر میں گزشتہ چند برس سے ابر رحمت زحمت بن گئی ،ہر سال بارشوں میں آسمانی بجلی گرنے سے تھر میں جانی و مالی نقصان ہورہا ہے۔۔
واقعے میں خاتون سمیت 13 بھیڑیں اور 6 بکریاں شکار ہوگئیں۔اطلاعات کے مطابق گزشتہ روز اسلام کوٹ کے نواحی گائوں بورلی موسیپوٹا میں ہلکی بارش کے دوران پونی زوجہ پھوٹو کولہی آسمانی بجلی گرنے سے فوت ھوگئی ، دوسری جانب گائوں وی ہنگورجا میں آسمانی بجلی گرنے سے 12 بھیڑیں مر گئیں۔ادھر ڈیپلو کے نواھی گائوں نبیسر بجیر میں رمضان بجیر کی 6 بکریاں آسمانی بجلی کا شکار ہو گئیں۔ ہر سال بارشوں میں ہونیوالے نقصان نے تھر کے لوگوں کو مشکل میں ڈال دیا ہے۔