حادثات و واقعات میں 5 افراد جاں بحق
کراچی (اسٹاف رپورٹر )حادثات و واقعات میں خواتین سمیت 5 افراد جاں بحق ہو گئے ۔ تفصیلات کے مطابق سائٹ بی تھانے کی حدود بلدیہ2 نمبر مزار کے قریب ٹریفک حادثے میں تیز رفتار گاڑی کی ٹکر سے 65 سالہ فقیر بہار جاں بحق ہوگیا۔۔
۔منگھو پیر تھانے کی حدود میں ٹریفک حادثے میں زخمی ہونے والا شخص دوران علاج دم توڑ گیا ۔ نیو کراچی سے 25 سالہ سیف اللہ ولد سلطان کی پھندا لگی لاش ملی ۔منگھو پیر کے علاقے خیر آباد مدینہ کالونی بائیکو پمپ کے قریب گھر سے 35 سالہ خاتون کی لاش ملی۔گڈاپ ٹاؤن تھانے کی حدود کراچی ٹول پلازہ سے بحریہ ٹاؤن ٹوٹل پمپ کے قریب سے 55 سالہ شخص کی لاش ملی۔
روزنامہ دنیا ایپ انسٹال کریں
