دفاعی نمائش 2024 ،ٹریفک پولیس نے پلان مرتب کرلیا
کراچی(اسٹاف رپورٹر)کراچی ایکسپو سینٹر میں میں آج شروع ہونے والی دفاعی نمائش کے موقع پر ٹریفک پولیس نے پلان مرتب کرلیا۔پلان کے مطابق ایکسپو سینٹر سے منسلک سڑکیں 19 نومبر سے 22 نومبر تک صبح 7 بجے سے شام 7بجے تک بند رہیں گیں۔
ٹریفک پولیس کے مطابق حسن اسکوائر فلائی اوور سے نیشنل اسٹیڈیم سڑک بند رہے گی جبکہ اسٹیڈیم فلائی اوورسے دونوں فلائی اوورز ٹریفک کیلئے بند ہونگے ، ڈالمیا روڈ اسٹیڈیم سگنل سے دائیں جانب حسن اسکوائر جانے والا روڈ بند ہوگا،یونیورسٹی روڈ نیپا سے آتے ہوئے ایکسپو سینٹر سے بائیں جانے والی سڑک بھی بند ہوگی،شارع فیصل سے ہیوی اور کمرشل گاڑیاں، واٹر ٹینکر کا کارسازروڈ پر داخلہ بندہوگا، تمام ہیوی اور کمرشل گاڑیاں ڈرگ روڈ کا راستہ اختیار کریں جبکہ راشد منہاس روڈ سے اسٹیڈیم روڈپرہیوی اور کمرشل ٹریفک کے داخلے پر پابندی ہوگی۔ ٹریفک پولیس کے مطابق ہیوی اور کمرشل گاڑیوں کو نیپا، عسکری 4سے شارع فیصل اورنیپا چورنگی بھیجا جائے گا، نیپا سے حسن اسکوائر تک ہیوی اور کمرشل ٹریفک کو جانے کی اجازت نہیں ہوگی، ہیوی اور کمرشل گاڑیاں نیپا، گلشن چورنگی سے سہراب گوٹھ یا ڈرگ روڈ کاراستہ اختیار کریں، جیل چورنگی سے حسن اسکوائر تک ہیوی اور کمرشل ٹریفک کو جانے کی اجازت نہیں ہوگی، کمرشل گاڑیاں شہید ملت روڈ یا تین ہٹی روڈ کا استعمال کریں۔
