ملازمین کے واجبات میں رکاوٹ برداشت نہیں کرینگے ،سید ذوالفقارشاہ
کراچی(این این آئی)سجن یونین ٹاونز میونسپل کارپوریشنز کراچی کے ترجمان عباس احمد نے کہا ہے کہ چند افسران جناح ٹاؤن کے چیئرمین کو گمراہ کرکے ریٹائرملازمین کی لیو انکیشمنٹ کی واجبات کی ادائیگی میں رکاوٹیں ڈال رہے ہیں۔
ان ملازمین کو ریٹائرڈ ہوئے 10 ماہ کا عرصہ گزر گیا ، کمیٹی کی کلیئرنس کے باوجود 6 ملازمین کے چیکس جاری کرنے میں تاخیری حربے استعمال کئے جارہے ہیں جبکہ 9 دیگر ملازمین کے لیو انکیشمنٹ کے کیسز بھی التواء کا شکار بنے ہوئے ہیں۔ ملازمین نے سجن یونین کے مرکزی صدر سے ملاقات کرکے انہیں اپنی لیو انکیشمنٹ کی عدم ادائیگی سے آگاہ کیاتھا۔ سید ذوالفقارشاہ نے چیئرمین جناح ٹاون کو خبردار کرتے ہوئے کہا کہ ملازمین کے واجبات میں رکاوٹ کسی صورت برداشت نہیں کی جائے گی ۔
روزنامہ دنیا ایپ انسٹال کریں
