اندھے قتل کیس کا معمہ حل ، 2ملزمان گرفتار
کراچی(اسٹاف رپورٹر)گڈاپ سٹی پولیس نے دو روز قبل ہونے والے اندھے قتل کیس کا معمہ حل کر تے ہوئے 2 ملزمان کو گرفتارکرلیا۔
پولیس نے خفیہ اطلاع پر کارروائی کرتے ہوئے 2 ملزمان کو ابراہیم پولٹری فارم گڈاپ کے قریب سے گرفتار کیا۔پولیس کے مطابق15 دسمبر کو تھانہ گڈاپ سٹی کے علاقے میں نامعلوم ملزمان نے ایک شہری وارث خان ولد رحیم گل کا قتل کیا تھا جس کا مقدمہ دفعہ 302/34 کے تحت درج کیا گیا تھا۔پولیس نے ٹیکنیکل بنیاد پر کارروائی کرتے ہوئے دونوں ملزمان کو گرفتار کر لیا اور قتل میں استعمال ہونے والا ڈنڈا اور کلہاڑی بھی تحویل میں لے لی۔گرفتار ملزمان کی شناخت سلیمان ولد زر ولی خان اور ایوب خان ولد اصیل خان کے نام سے ہوئی۔
روزنامہ دنیا ایپ انسٹال کریں
