سرد ہواؤں کے ساتھ چھٹی کا دن شہریوں کو ناشتہ پوائنٹس کی طرف کھینچ لایا
کراچی(مانیٹرنگ ڈیسک)کراچی میں سرد ہواؤں کے ساتھ چھٹی کے دن کا امتزاج شہریوں کو ناشتہ پوائنٹس کی طرف کھینچ لایا۔ شہر بھر کے مشہور ناشتہ پوائنٹس پر گرماگرم پائے ، نہاری اور حلیم کے ذائقے نے رونق لگا دی۔
شہریوں کی بڑی تعداد نے دوستوں اور فیملی کے ساتھ ناشتہ پوائنٹس کا رخ کیا جبکہ کئی افراد نے یہ مزے گھروں تک پہنچانے کے لیے پارسل کروائے ۔ ناشتے کی یہ روایت خاص طور پر سردیوں کے دنوں میں شہریوں کے لیے ایک منفرد خوشی کا باعث بنتی ہے ۔شہریوں کا کہنا ہے کہ چھٹی کے دن باہر ناشتہ کرنا نہ صرف ذائقے کے لطف کے لیے ہوتا ہے بلکہ یہ دوستوں اور فیملی کے ساتھ تعلقات مضبوط کرنے کا بھی موقع فراہم کرتا ہے ۔خواتین نے کہا کہ یہ موقع ہمیں روزمرہ کی مصروفیات سے کچھ دیر کے لیے آزادی دیتا ہے ۔دکانداروں نے کہا کہ سردیوں میں پائے کا سالن اسپیشل ہوتا ہے ، ہم دس سالوں سے سردیوں میں پائے کا سالن بناتے ہیں۔
