جٹ لائن میں پراسرار طور پر گولی لگنے سے ایک شخص ہلاک
کراچی (این این آئی)کراچی کے علاقے جٹ لائن بھنگی پاڑہ میں گولی لگنے سے ایک شخص ہلاک ہوگیا۔
پولیس کو دیے گئے بیان میں مقتول کے والد نے بتایا کہ مقتول جگدیش گھر میں دروازہ کھول کر داخل ہوا اور گر گیا، جگدیش کا بھائی اسے اسپتال لے کر گیا تو معلوم ہوا کہ جگدیش کو دل پر گولی لگی ہے ۔ پولیس کے مطابق یہ معاملہ پْراسرار ہے کہ مقتول کو گولی کیسے لگی؟ تاہم پولیس کا کہنا ہے کہ کچھ لوگوں کے مطابق گولی کی آواز آئی تھی۔پولیس نے پْراسرار قتل کے واقعے سے متعلق تفتیش شروع کردی ہے ۔
روزنامہ دنیا ایپ انسٹال کریں
