تیزرفتار ڈمپر اور پک اپ میں تصادم،دوافراد زخمی،ڈرائیورفرار

تیزرفتار ڈمپر اور پک اپ میں تصادم،دوافراد زخمی،ڈرائیورفرار

کراچی(اسٹاف رپورٹر)شارع فیصل کارساز پُل کے قریب ڈمپر اور پک اپ میں تصادم 2 افراد زخمی ہوگئے ۔ریسیکو ادارے چھیپا کے حکام نے بتایا کہ حادثہ ڈمپر کی تیز رفتاری کے سبب پیش آیا،حادثہ میں ڈمپر سے ٹکرانے کے بعد پک اپ کو کافی نقصان پہنچا ۔

پک اپ میں مرغیوں کے پنجے ، پر اوراس سے متعلق دیگر اشیاء لوڈ تھیں جو حادثہ کے بعد سڑک پر پھیل گئیں ۔حادثہ کے باعث روڈ پر ٹریفک کی روانی متاثر ہوئی ۔حادثہ کی اطلاع ملتے ہی پولیس اور چھیپا کے رضا کار پہنچ گئے ۔ ڈمپر اور پک اپ میں تصادم کے سبب زخمی ہونے والے دونوں افراد کو طبی امداد کے لیے جناح اسپتال منتقل کیا گیا۔زخمیوں کی شناخت20 سالہ ارمان اور 18 سالہ سلطان سے ہوئی ۔ زخمیوں کی حالت خطرے سے باہر بتائی جاتی ہے۔ حادثہ کی شکار دونوں گاڑیوں کو پولیس نے اپنی تحویل میں لے لیا ہے ۔اطلاعات کے مطابق ڈمپر کا ڈرائیور تاحال فرار ہے۔

 

روزنامہ دنیا ایپ انسٹال کریں