کلفٹن میں ایک سپر مارٹ سربمہر
کراچی(اسٹاف رپورٹر)آر ٹی او 1 نے پی او ایس قوانین کی خلاف ورزیوں پر اپنی کاروائیاں جاری رکھتے ہوئے اتوارکواپنی انتظامی حدود کلفٹن میں ایک سپر مارٹ کو سیل کردیا۔
مذکورہ سپر مارٹ کو پی اوایس سسٹم سے غیر منسلک شدہ رسیدیں جاری کرنے پر سیلز ٹیکس قوانین 2006 کے رول 150 زیڈ ای او کے تحت سیل کیا گیا ہے ۔سیل کیئے گئے سپر مارٹ پر پانچ لاکھ روپے جرمانہ بھی عائد کیا گیا ہے ۔اس موقع پر چیف کمشنر آر ٹی او 1 کراچی ڈاکٹر فہیم محمد نے کہاکہ پی او ایس قوانین کی خلاف ورزیاں ملکی معاشی استحکام کو نقصان پہنچاتی ہیں اور آر ٹی او 1 پی او ایس قوانین پر عملدرآمد کروانے کے لیئے کاروائیاں کرتا رہے گا۔
روزنامہ دنیا ایپ انسٹال کریں
