پولیس کی جرائم کیخلاف کارروائیاں،ڈاکو ہلاک،16ملزمان گرفتار
کراچی(اسٹاف رپورٹر)ایڈیشنل آئی جی کراچی جاوید عالم اوڈھو کے احکامات کے مدنظر پولیس کی جرائم کے خلاف کامیاب کارروائیاں۔
گزشتہ ہفتے کے دوران شہر میں انسداد جرائم کے دوران ڈاکوؤں سے ضلعی پولیس کے 12 مقابلے ہوئے ، فائرنگ کے تبادلے میں ایک ڈاکو ہلاک جبکہ 15 زخمی ڈاکوؤں سمیت 16 ملزمان کو گرفتارکیا گیا، گرفتار ملزمان سے 15 مختلف اقسام کا غیر قانونی اسلحہ اور 7 موٹر سائیکلیں برآمد کی گئیں۔ پولیس نے گزشتہ ہفتے کے دوران کراچی کے ایسٹ، ویسٹ اور ساوتھ ذونز میں مجموعی طور پر 875 سے زائد ملزمان کو گرفتار کیا۔پولیس کیجانب سے منشیات کیخلاف جاری مہم اور پولیس مقابلوں کے دوران مختلف علاقوں سے لاکھوں روپے مالیت کی 44 کلو 987 گرام چرس، آئس/کرسٹل اور ہیروئن برآمد کی گئی۔گرفتار ملزمان سے شہریوں سے لوٹ مار اور دیگر وارداتوں میں استعمال شدہ 113 سے زائد مختلف اقسام کا غیر قانونی اسلحہ بمعہ ایمونیشن برآمد کیا گیا۔ مجموعی طور پر چھینی و چوری شدہ 29 موٹرسائیکلیں اور 02 بڑی گاڑیاں برآمد کی گئیں
