سفاک شوہر نے بھائی کے ساتھ ملکر بیوی کو تیزاب پلا کر قتل کر دیا
کراچی (اسٹاف رپورٹر)کورنگی میں سفاک شوہرنے بھائی کے ساتھ ملکر بیوی کو تیزاب پلاکرقتل کردیا، مقتولہ خاتون 2 بیٹیوں کی ماں تھی۔
پولیس نے واقعے کا مقدمہ شوہر اور اس کے بھائی کے خلاف درج کرکے تفتیش شروع کردی۔نورعائشہ نامی خاتون کوتشویشناک حالت میں جناح اسپتال منتقل کیا گیا جہاں خاتون دوران علاج دم توڑگئی۔پولیس کے مطابق واقعہ 4 جولائی کی صبح پیش آیا تھا، پولیس نے مقتولہ خاتون کے والد علی اکبرکی مدعیت میں واقعے کا مقدمہ قتل کی دفعہ کے تحت درج کرلیا۔ مقدمے میں مقتولہ خاتون کے شوہرمحمد ایوب اوراس کے بھائی رفیق کو نامزد کیا گیا، مدعی مقدمہ کے مطابق ان کی بیٹی نورفاطمہ کی 7 سال قبل محمد ایوب سے شادی ہوئی تھی اورجس سے اس کی دوبیٹیاں ہیں۔انہوں نے بتایا کہ ان کا داماد شروع سے غیرعورتوں کا تعلق قائم رکھتا تھا ۔4 جولائی کی صبح 6 بجے اطلاع ملی کہ میری بیٹی نورعائشہ کو میرے داماد اور اس کے بھائی رفیق نے ملکر تیزاب پلا دیا اورمارپیٹ کی ہے ، ڈاکٹرزنے تیزاب پینے سے انفیکشن کی وجہ سے بیٹی کے جاں بحق ہونے کی تصدیق کردی۔ پولیس حکام کا کہنا ہے کہ ابتدائی تفتیش میں خاتون کو تیزاب پلانے کے شواہد ملے ہیں۔انھوں نے بتایا کہ معلوم ہوا کہ ملزمان نے عدالت سے ضمانت قبل از گرفتاری حاصل کرلی ۔
