اسرائیلی مظالم پرعالمی بے حسی لمحہ فکریہ ہے ،شاداب رضا
کراچی (این این آئی)سربراہ پاکستان سنی تحریک محمد شاداب رضا نقشبندی نے کہا ہے کہ فلسطین میں اسرائیلی مظالم عالمی قوتوں کی بے حسی لمحہ فکریہ ہے ،اقوام متحدہ خاموش تماشائی بنے کے بجائے اسرائیل کے خلاف فوری کاروائی کرے۔
اسرائیل نے عالمی قوانین پاؤں تلے روندیئے انسانیت سوز مظالم کی اور ہولوکاسٹ بھی شرما گیا۔ایک بیان میں انہوں نے مزید کہا کہ امن وسلامتی اور انسانیت کے علمبردار کہاں ہیں ،ظالم وجابر کو نہ روکنے اور اس کے خلاف آواز بلند نہ کرنے والے بھی ظالم ہی شمار کئے جاتے ہیں ،اسلامی ممالک اسرائیل کے مظالم کے خلاف خاموش تماشائی بننے کی بجائے اسرائیل کو طاقت کے زور پر روکیں ۔انہوں نے کہا کہ اُمت مسلمہ فلسطینیوں کے ساتھ کھڑی ہے مسلم حکمرانوں کے غیرت ایمانی کا مظاہرہ کرنا ہوگا ،اقوام متحدہ اور عالمی عدالتیں خاموش تماشائی بن گئیں انصاف کا قتل اور اسرائیل کو ظلم کرنے کی طاقت فراہم ہورہی ہے ، غزہ کے عوام قحط سالی کا شکار روزانہ کی بنیاد پر درجنوں افراد خوراک نہ ملنے کی وجہ سے شہید ہورہے ہیں،غزہ میں خوراک کی امداد کی ترسیل کو روکنے کیلئے اسرائیل نے ظلم وجبر کی انتہا کی ہوئی ہے تو دوسری طرف غذا اور پانی کیلئے قطار میں لگے غزہ کے شہریوں کو بمباری کرکے شہید کیا جارہا ہے ،امریکہ سمیت ویٹو کا اختیار رکھنے والی ریاستوں کو اپنی متعصبانہ آنکھوں کو کھولنا چاہیے۔
