ینگ نیوروسرجنز کے الیکشن ،ڈاکٹر اسد عزیر صدر منتخب
لاہور(اپنے سٹاف رپورٹر سے)ینگ نیوروسرجن فورم پاکستان کے انتخابات مکمل،ڈاکٹر اسد عزیر صدر پنجاب انسٹیوٹ آف نیورو سائنسز کے ڈاکٹر اسد شاہ جنرل سیکرٹری منتخب ہو گئے۔
ڈاکٹر خضر حیات جوائنٹ سیکرٹری، ڈاکٹر جہانزیب فنانس سیکرٹری اور ڈاکٹر واجد انفارمیشن سیکرٹری کی ذمہ داریاں نبھائیں گے۔ انتخابات کا عمل 37 ویں سالانہ نیشنل نیوروسرجری کانفرنس میں ہوا،جس میں شعبہ نیورو سرجری سے وابستہ ماہرین کثیر تعداد میں موجود تھے ۔میڈیا سے گفتگو میں نو منتخب جنرل سیکرٹری ڈاکٹر اسد شاہ نے کہا کہ ہمارا مقصد پاکستان میں نیوروسرجری کی تربیتی معیار کو بہتر بنانا ہے ۔ ہم اپنے نوجوان نیوروسرجنز کو بہترین تربیت فراہم کرنے کے لیے پرعزم ہیں اور ان کی پیشہ ورانہ ترقی میں ان کی مدد کریں گے ۔ملک بھر میں ورکشاپس اور سیمینارز کا انعقاد کیا جائے گا تاکہ نوجوان نیوروسرجنز کو تجربہ کار ماہرین سے سیکھنے اور اپنے ہنر کو بہتر بنانے کا موقع ملے ۔ یہ اقدامات نیوروسرجری کے شعبے میں نمایاں ترقی کا سبب بنیں گے اور ملک بھر میں مریضوں کے علاج کے نتائج میں بہتری آئے گی۔
