پولیس اہلکاروں پر مشتمل گینگ گرفتار، کروڑوں کی منشیات برآمد

پولیس اہلکاروں پر مشتمل گینگ گرفتار، کروڑوں کی منشیات برآمد

لاہور،کاہنہ(کرائم رپورٹر،نمائندہ دنیا)برکی پولیس نے منشیات سمگلنگ میں ملوث پولیس اہلکاروں پر مشتمل گینگ گرفتار کر کے کروڑوں روپے مالیت کی منشیات برآمد کرلی۔

 پولیس ذرائع کے مطابق ملزموں کانسٹیبل طارق اورعثمان کوساتھی سمیت گرفتار کر کے 2کروڑمالیت کی ساڑھے 6کلوسے زائداعلیٰ کوالٹی کی ہیروئن ، ڈرون کیمرا، نقدی، ویٹ مشین اور دیگر اشیا برآمد کر کے مقدمہ درج کیا گیا۔ ذرائع کا کہنا ہے کہ ملزموں کا مفرور ساتھی شعیب بھی پولیس کانسٹیبل ہے ،پولیس کانسٹیبل ڈولفن فورس اور کینٹ سرکل میں تعینات ہیں،گرفتارہونے والے پولیس کانسٹیبل لاہورکے ایک پولیس افسرکے بھائی ہیں ۔ دوران تفتیش ملزموں نے پشاور سے بذریعہ آن لائن منشیات منگوا کر مختلف اضلاع میں سپلائی دینے کا اعتراف کیاہے ۔ایس پی کینٹ کا کہنا ہے کہ کانسٹیبل طارق شمالی چھاؤنی میں تعینات ہے جبکہ کانسٹیبل عثمان چند ماہ قبل ڈولفن فورس سے برخاست ہوا تھا ،ملزموں نے افغانستان اور خیبرپختونخوا سے 10 کلو سے زائد ہیروئن منگوائی تھی۔

روزنامہ دنیا ایپ انسٹال کریں