چکن سرکاری ریٹ 595، بازار میں 800 تک فروخت
لاہور(کامرس رپورٹر)رمضان المبارک میں مرغی کا گوشت مزید مہنگا ہوگیا، دکانداروں نے سرکاری قیمت نظرانداز کر دی۔لاہور میں سرکاری نرخنامے کے مطابق برائلر مرغی کا گوشت 595 روپے کلو تھا لیکن مارکیٹ میں 800 روپے کلو تک فروخت کیا گیا۔
ٹولنٹن مارکیٹ میں برائلر گوشت فی کلو 730 روپے میں فروخت ہوا، ٹولٹن مارکیٹ میں صافی گوشت 800 روپے کلو تک فروخت کیا گیا۔چکن بون لیس کی قیمت بھی 1000 روپے تک پہنچ گئی ، سرکاری نرخنامے میں انڈوں کی فی درجن قیمت 286 روپے رہی ۔ لاہور انتظامیہ نے سبزیوں اور پھلوں کے سرکاری ریٹ بھی جاری کئے لیکن مارکیٹ میں زائد وصولی کی گئی۔پیاز درجہ اول 50 ، آلو 55 ، ٹماٹر 55 ، سبز مرچ 115 ،ادرک 365 ،دیسی لہسن 610 ، فارمی کھیرے 55 ،میتھی 45، پھول گوبھی 40 اور شلجم کی قیمت 30 روپے کلو مقرر کی گئی ۔ ایرانی سیب کی قیمت 290 ، سیب کالا کولو 325 ، پپیتا کی قیمت 240 روپے کلو ،درجہ اول کیلے کی قیمت 260 روپے درجن مقرر کی گئی۔
