لاہور سمیت پنجاب بھر میں وائرل بیماریوں کے پھیلنے کا خدشہ
لاہور (ہیلتھ رپورٹر)موسم کی تبدیلی کے ساتھ ہی لاہور سمیت پنجاب بھر میں وائرل بیماریوں کے پھیلنے کا خدشہ پیدا ہو گیا۔ ڈائریکٹوریٹ جنرل آف ہیلتھ سروسز پنجاب نے پھیلنے والی 8 بیماریوں کا مراسلہ جاری کر دیا۔
مراسلے میں کہا گیا ہے کہ حالیہ دنوں میں ڈینگی، نمونیا ،انفلوئنزا، خسرہ ،کالی کھانسی، نیگلیریا وغیرہ کے مریض رپورٹ ہو سکتے ہیں۔ لاہور سمیت پنجاب بھر کے تمام ہسپتالوں کو ہائی الرٹ کر دیا گیا اور ہدایت کی گئی کہ علاج کے حوالے سے تمام ضروری اقدامات کئے جائیں،ہسپتالوں میں آگاہی بینرز آویزاں ،کاؤنٹرز قائم،تمام ضروری ادویات موجود ہونی چاہئیں ۔ڈائریکٹر سی ڈی سی ڈاکٹر یداللہ کا کہنا ہے کہ حالیہ دنوں میں 8 بیماریوں کے پھیلنے سے پہلے روک تھام ضروری ہے ، لاہور سمیت پنجاب بھر میں ہر سال انہی بیماریوں سے بہت سے لوگ متاثر ہوتے ہیں ،شہریوں کو چاہیے کہ بیماریوں کی روک تھام کیلئے جو ایس او پیز بنائے گئے ہیں ان پر عملدرآمد کریں۔
