سرکاری ملازمین کاڈی سی آفس مظفر گڑھ کے سامنے احتجاجی کیمپ
مظفرگڑھ(سٹی رپورٹر)اگیگا پنجاب کی کال پر بجٹ میں تنخواہوں اور پینشن میں اضافے ، ظالمانہ پنشن اصلاحات ، لیو انکیشمنٹ کے۔۔
کالے قانون و دیگر مطالبات کے حق میں ڈپٹی کمشنر آفس مظفرگڑھ میں احتجاجی کیمپ لگایا گیا اور ریلی نکالی گئی ۔ مظاہرین سے خطاب کرتے ہوئے ضلعی صدر ایپکا وزیر خان دستی نے کہا کہ حکومت مسلسل پنشن اصلاحات کے نام پر ملازمین کا معاشی استحصال کر رہی ہے ، بجٹ میں ملازمین کے لیے ریلیف کا اعلان کرے،مہنگائی کے مطابق سرکاری ملازمین کی تنخواہوں اور ریٹائرڈ ملازمین کی پینشن میں 100 فیصد اضافے کا مطالبہ کرتے ہیں ۔ ضلعی صدر ایپکا سردار وزیر دستی اور ارسلان گوندل نے اپنے خطاب میں کہا کہ لیو انکیشمنٹ کے ریوائز نوٹیفکیشن کے حصول کے لیے ملازمین کی جدوجہد جاری رہے گی ، حکومت میڈیکل کنوینس اور ہاؤس رینٹ الاؤنسز میں 200 فیصد اضافہ کا اعلان کرے۔
روزنامہ دنیا ایپ انسٹال کریں
