ترقی پانے والے 40پولیس افسروں کے اعزازمیں تقریب
وہاڑی(خبر نگار ،نمائندہ خصوصی )آئی جی پنجاب ڈاکٹر عثمان انور کی ہدایت پر پنجاب پولیس میں محکمانہ ترقیوں کا عمل تیزی سے جاری ۔
پولیس لائنز وہاڑی میں ہیڈ کانسٹیبلز، اے ایس آئیز اور سب انسپکٹرز کے رینک پر ترقی پانے والے 40 افسروں کے اعزاز میں تقریب کا انعقاد کیا گیا۔ ڈی پی او وہاڑی منصور امان نے ترقی پانے والے افسروں کو پروموشن رینک لگائے اور مبارکباد دی۔ ڈی پی او وہاڑی منصور امان نے پروموٹ ہونے والے افسروں سے خطاب کرتے ہوئے کہا کہ نئے عہدے کے ساتھ اہم ذمہ داریاں آپ کو سونپی جا رہی ہیں امید کی جاتی ہے کہ آپ آئندہ بھی محنت اور لگن کو اپنا شعار بنائیں گے ۔ ترقی پانے والے افسروں سے امید کرتا ہوں کہ وہ نئے عزم کے ساتھ نہایت ایمانداری کے ساتھ پولیس کی کارکردگی کو مزید موثر بناتے ہوئے عوام الناس کی خدمت میں کوئی کسر اٹھا نہ رکھیں گے اور شہریوں کو زیادہ سے زیادہ ریلیف دیتے ہوئے ظالم کو کیفر کردار تک پہنچائیں گے ۔ تقریب کے دوران ڈی پی او وہاڑی منصور امان نے پولیس افسروں کو پروموشن رینک لگائے ۔ پرموٹ ہونے والے 16 سب انسپکٹرز میں منور حسین، محمد حسن، سوہنے خان، محمد یعقوب، اکبرعلی، محمد حیات، کاظم علی، شاہ محمد، محمد افضل ،مختار حسین، سعید خالد، سعید احمد، محمد امین، محمد عاطف ،محمد الیاس محمود اور محمد عمران شامل ہیں ۔
