شاندار کارکردگی والے پیف سکولز کیلئے انعامات کا اعلان
ملتان(خصوصی رپورٹر)پنجاب ایجوکیشن فائونڈیشن نے بہترین کارکردگی دکھانے والے پارٹنر سکولوں کے لئے انعام کا اعلان کردیا بتایاگیا ہے کہ اچھی کارکردگی دکھانے والے پیف پارٹنر سکولوں کے لئے 12 لاکھ روپے انعام کا اعلان کر دیا گیا۔
سکولوں کو بچوں کے رزلٹ سہولیات کی فراہمی اور ٹیچرز کوالیفکیشن کی بنیاد پر کیش انعامات سے نوازا جائے گا پہلی پوزیشن پر بارہ لاکھ روپے انعام دیا جائے گادوسری پوزیشن پر 8 لاکھ روپے اور تیسری پوزیشن حاصل کرنے پر سکولز کو 6 لاکھ روپے بطور انعام دیا جائے گاچوتھی اور پانچویں پوزیشن والے سکولز کو 2 لاکھ روپے دیئے جائیں گے ۔ اس سلسلے میں پیف نے کوالٹی ایشورنس ٹیسٹ میں حاصل کردہ نمبرز کی باقاعدہ گریڈنگ جاری کردی بچوں کے نتائج میں گریڈنگ کی بنیاد پر سکولوں کے ناموں کو شامل کیا جائے گا۔پیف حکام کے مطابق انعامی رقم سکولوں اور بچوں کی ویلفیئر پر خرچ ہوسکے گی۔
