سکول ڈیجیٹل سفر پروگرام،اساتذہ کو تربیت دینے کا فیصلہ
ملتان(خصوصی رپورٹر)سکولوں میں ڈیجیٹل سفر پروگرام کاآئندہ ہفتے سے آغاز، پہلے مرحلے میں لاہور کے اساتذہ کو ٹریننگ دی جائے گی تفصیل کے مطابق محکمہ سکولز نے اساتذہ کو ڈیجیٹل ٹریننگ دینے کافیصلہ کیا ہے ۔
جس کو‘‘ڈیجیٹل سفر پروگرام’’ کانام دیاگیاہے پہلے مرحلے کا آغاز لاہور سے کیاجائے گا جو آئندہ ہفتے سے شروع ہوگا ۔جس میں ڈیڑھ ہزار اساتذہ کو آئندہ ہفتے ٹریننگ دی جائے گی ۔تعلیمی اداروں کیلئے ‘‘ ڈیجیٹل سفر پروگرام’’ کے تحت لاہور میں ڈیڑھ ہزار اساتذہ کو آئندہ ہفتے ٹریننگ دی جائے گی پنجاب انفارمیشن ٹیکنالوجی بورڈ نے ڈیجیٹل سفر پروگرام کے تحت ٹریننگ حاصل کرنے والے اساتذہ کے ناموں کی آن لائن فہرست جاری کردی۔دو روزہ ٹریننگ 25 نومبر سے لاہور کے مختلف سکولوں میں شروع کی جائے گی جس کے دوسیشن ہوں گے ۔ٹریننگ حاصل کرنیوالے اساتذہ کا ٹیسٹ 29 نومبر کو لیا جائے گا۔ٹیسٹ میں اچھے نتائج دینے والے اساتذہ کو سرٹیفکیٹس جاری کئے جائیں گے ۔
