اسلامیہ یونیورسٹی طلبہ کا دورہ خیر پور فیلڈ فائرنگ رینج
بہاولپور(خبرنگار )اسلامیہ یونیورسٹی بہاولپور کے طلباء و فیکلٹی کا خیرپور ٹامیوالی فیلڈ فائرنگ رینجرز کادورہ،یونیورسٹی آف بہاولپور کے وفد نے خیر پور ٹامیوالی میں پاک فوج کے ساتھ ایک بھرپور دن گزارا جس میں انہوں نے پاک فوج کی پیشہ ورانہ زندگی اور جذبہ حب الوطنی کا قریب سے مشاہدہ کیا۔
طلباء کو دفاعی حکمت عملی کے بارے میں آگاہ کیا گیا جس سے طلباء کے جذبے کو مزید تقویت ملی۔طلبہ کو فوجی تربیت اور نظم و ضبط کی عملی جھلک دیکھنے کا موقع بھی ملا، جس نے ان پر گہرا اثر چھوڑا۔دورے کے دوران جدید فوجی ساز و سامان کا تعارف اور بکتر بند گاڑیوں کی سواری کا تجربہ بھی شامل تھا، جس نے نوجوانوں میں فوجی خدمت کے جذبے کو ابھارا۔اس دورے کا مقصد عوام اور فوج کے مابین تعلقات کو مضبوط بنانا اور نوجوانوں میں وطن کے دفاع کا جذبہ بیدار کرنا تھا۔اس موقع پر طلبہ کا کہنا تھا کہ ایسی سرگرمیاں ہونی چاہئیں جو نوجوانوں میں پاک فوج میں شمولیت کا شوق اور دشمن کو موثر جواب دینے کا حوصلہ پیدا کریں۔ ان کا کہنا تھا کہ یہاں آکر ہمیں دلء سکون ملا کہ ہمارا دفاع ایک مضبوط فوج کے ہاتھ میں ہے ، اور ہمیں اپنے ملک پر فخر ہے ۔
