شہر میں ڈاکوئوں ،چوروں کا راج، متعدد شہری لٹ گئے

ملتان (کرائم رپورٹر)چوری و ڈکیتی کی وارداتوں میں شہری نقدی و سامان سے محروم ہوگئے ۔ صدر شجاعباد کے علاقہ سے مدثر کی موٹر سائیکل جبکہ مشرف کے جانور چوری ہوگئے ۔سٹی شجاعباد کے علاقہ سے انور کا موبائل فون چوری ہوگیا ۔
تھانہ راجہ رام کے علاقہ سے نامعلوم افراد اسلحہ کے زور پر آصف سے موبائل و نقدی چھین کر فرار ہوگئے سٹی شجاعباد کے علاقہ سے مسلح افراد مدثر سے موٹر سائیکل نقدی و موبائل فون چھین کر فرار ہوگئے ۔تھانہ لوہاری گیٹ کے علاقہ میں نوسرباز خواتین عامر کے گھر سے نقدی و زیورات لوٹ کر فرار ہوگئیں تھانہ کپ کے علاقہ میں نامعلوم شخص نے سمیعہ بی بی کے پرس سے نقدی نکال لی۔تھانہ گلگشت کے علاقہ سے عمران کی مہران کار چوری ہوگئی ۔گردیزی مارکیٹ میں نامعلوم افراد 2دکانوں کے تالے توڑ کر سامان چوری کرکے فرار ہوگئے ۔تھانہ صدر ملتان کے علاقہ میں نامعلوم افراد جاوید کے زیر تعمیر گھر سے گیٹ چوری کرکے لے گئے تھانہ الپہ کے علاقہ میں مسلح افراد ارشد سے نقدی و موبائل فون لوٹ کر فرار ہوگئے ۔