ہائر ایجوکیشن ،کم از کم اجرت کے فیصلے پر عمل کا حکم
ملتان (خصوصی رپورٹر)ہائرا یجوکیشن ڈیپارٹمنٹ نے کم سے کم اجرت37ہزار کے فیصلے پر عملدرآمد کو لازمی قرار دیتے ہوئے رپورٹ طلب کرلی۔
تفصیل کے مطابق ایسے وقت میں جب پنجاب حکومت نے آئندہ مالی سال کے بجٹ 2025-26 میں غیرہنر مند کی کم سے کم اجرت 40ہزار مقرر کردی ہے ایچ ای ڈی نے تمام تعلیمی بورڈز کے چیئرمینوں ، تمام یونیورسٹیوں کے وائس چانسلرز ، سی ای اوز ، اور ڈی پی آئی کالجز کے نام مراسلہ جاری کیا ہے کہ حکومت نے 2024 میں غیرہنر مند کی کم سے کم اجرت 37ہزار مقرر کی تھی اس فیصلے پر عملدرآمد نہیں ہوا اس لئے فوری پر تمام شعبے اس فیصلے پر عمل کریں اور ملازمین کو یکم جولائی 2024سے مقررہ اجرت کے مطابق ادائیگی کریں اور رپورٹ کریں ۔
روزنامہ دنیا ایپ انسٹال کریں
