جنڈانوالہ میں ریسکیو 1122 کے ٹاؤن سٹیشن کا افتتاح
کلورکوٹ،بھکر (نامہ نگار، ڈسٹرکٹ رپورٹر) تحصیل کلورکوٹ جنڈانوالہ میں ریسکیو 1122 کے ٹاؤن سٹیشن کا باقاعدہ طور پر افتتاح۔۔۔
سابق ایم این اے ضلعی صدر مسلم لیگ( ن) عبد المجید خان خنانخیل نے ڈپٹی کمشنر محمد اشرف کے ہمراہ کیا۔اس موقع پرڈسٹرکٹ ایمرجنسی آفیسر انجینئر عبید اللہ خان اور سول سوسائٹی سے تعلق رکھنے والے افراد کثیر تعداد میں موجود تھے ۔افتتاحی تقریب سے عبد المجید خان خنانخیل نے خطاب کرتے ہوئے کہا کہ دورہ افتادہ علاقوں میں لوگوں کو طبی سہولیات کی بروقت دستیابی کیلئے ریسکیو 1122 کی سروس ایک بڑی نعمت ہے جنڈانوالہ اسٹیشن کے فعال ہونے سے نواحی دیہاتوں میں بھی ریسکیو سروسز کی فراہمی ممکن ہوسکے گی ،ڈپٹی کمشنر محمد اشرف نے کہا کہ جنڈانوالہ اسٹیشن کی فعالیت سے ضلع کے ہیلتھ کیئر سسٹم میں مزید بہتری پیدا ہوگی ۔
روزنامہ دنیا ایپ انسٹال کریں
