سموگ:اکتوبر او رنومبر میں 29بھٹے مسمار،28مقدمات درج،جرمانے
بھکر(ڈسٹرکٹ رپورٹر )ضلعی انسداد سموگ ایکشن پلان پر تسلسل کیساتھ عملدرآمد جاری ہے ‘تفصیلات کے مطابق اس ،۔
ضمن میں ضلعی محکمہ تحفظ ماحولیات بھکر کی جانب سے ماہ اکتوبر اور رواں ماہ کی مرتب کردہ کارکردگی رپورٹ میں بتایا گیا کہ فضائی آلودگی کا باعث بننے والی فیکٹریوں اور بھٹہ ہائے خشت کیخلاف کاروائیاں جاری ہیں جن میں28 مقدمات کا اندراج اور 29اینٹوں کے بھٹہ جات مسمار کئے گئے جبکہ بھٹہ مالکان کو پانچ لاکھ روپے کے جرمانہ عائد کئے گئے اور فضائی آلودگی کاسبب بننے والی فیکٹریوں کو 6لاکھ روپے کے جرمانہ عائد کئے اور انکے خلاف ایف آئی آرز کا اندراج بھی کروایا گیا۔
روزنامہ دنیا ایپ انسٹال کریں
