راجن پور میں پولیس کا آپریشن، ڈاکوؤں کے قبضے سے 3 مغوی بازیاب کرا لئے
روجھان: (دنیا نیوز) سرکل بنگلہ اچھا میں راجن پور پولیس نے آپریشن کرکے مغوی بازیاب کرا لئے۔
ترجمان پولیس کے مطابق کچہ ایریا تھانہ بنگلہ اچھا کی حدود میں 03 مغویوں کی بازیابی کے لئے راجن پور پولیس نے آپریشن کیا، پولیس ٹیم کی جانب سے ڈاکوؤں کا تعاقب کیا گیا، پولیس اور ڈاکوؤں کے مابین شدید فائرنگ کا تبادلہ کافی دیر تک جاری رہا۔
ترجمان پولیس نے مزید بتایا کہ پولیس کی بھرپور جوابی فائرنگ کے باعث ڈاکو اندھیرے کی آڑ میں فرار ہوگئے جن کا تعاقب جاری ہے، کامیاب آپریشن کے نتیجے میں مغویان کو بازیاب کرا لیا گیا۔
