پی ٹی آئی احتجاج: موبائل سروسز تاحال بحال، انٹرنیٹ بند
اسلام آباد: (حریم جدون) اسلام آباد اور راولپنڈی سمیت ملک بھر میں موبائل سروس مکمل طور پر بحال ہے مگر انٹرنیٹ بند کر دیا گیا۔
موبائل ڈیٹا استعمال کرنے والے صارفین کو مشکلات کا سامنا کرنا پڑ رہا ہے جبکہ 3 جی سروسز پر انٹر نیٹ مکمل طور پر بند کر دیا گیا۔
ادھر لاہور کے داخلی اور خارجی راستوں کے اطراف موبائل سروس جزوی معطل ہے، کچھ علاقوں میں موبائل فون پر ڈیٹا سروس متاثر ہے جس کی وجہ سے واٹس ایپ سروس بھی متاثر ہے۔
شہریوں کو کراچی کے بعض علاقوں میں بھی موبائل فون اور انٹرنیٹ سروس کے استعمال میں مشکلات کا سامنا ہے۔
شہر میں موبائل فون پر انٹرنیٹ کی سروس انتہائی سست ہے، موبائل فون انٹرنیٹ پر شہریوں کو ویڈیوز اور آڈیو پیغام رسائی میں مشکلات ہیں۔
