خیرپور: سرکاری کالج میں تجربے کے دوران دھماکہ، پروفیسر، طلبہ سمیت 4 زخمی
خیرپور:(دنیا نیوز) اندرون سندھ کے ضلع خیر پور کے گورنمنٹ کالج میں سائنسی تجربے کے دوران دھماکے سے پروفیسر اور طلباء سمیت 4 زخمی ہوگئے۔
ذرائع کے مطابق زخمی پروفیسر امجد میتلو اوراسسٹنٹ حبیب اللہ کو تشویشناک حالت میں ہسپتال منتقل کردیا گیا جبکہ طلباء کو ابتدائی طبی امداد کے بعد گھر بھیج دیا ہے۔
دوسری جانب ہسپتال انتطامیہ کا کہنا ہے کہ پروفیسر امجد کی حالت تشویشناک ہے، چہرے اور سینے پر زخم لگنے کی وجہ سے خون رک نہیں رہا۔
یاد رہے پروفیسر امتیاز کیمسٹری کے طلباء کو میزائل نما گاڑی کا تجربہ کروا رہے تھے کہ دھماکہ ہوگیا۔
