سٹاک مارکیٹ میں زبردست تیزی، پہلا ٹریڈنگ سیشن گرین زون میں بند
کراچی: (دنیا نیوز) پاکستان سٹاک ایکسچینج میں مثبت رجحان کا سلسلہ برقرار ہے۔
کاروباری ہفتے کے پانچویں اور آخری روز بھی سٹاک مارکیٹ میں کاروبار کے آغاز پر زبردست تیزی دیکھنے میں آئی، 1500 سے زائد پوائنٹس کے اضافے کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 67 ہزار 923 پوائنٹس کی سطح پر پہنچ گیا۔
تاہم پہلے ٹریڈنگ سیشن کا اختتام مثبت زون میں ہوا، ہنڈرڈ انڈیکس 1116 پوائنٹس بڑھ کر ایک لاکھ 67 ہزار 400 پوائنٹس کی حد پر بند ہوا۔
سٹاک ایکسچینج کے پہلے ٹریڈنگ سیشن میں 41 کروڑ مالیت کے شیئرز کا کاروبار 21 ارب روپے میں ہوا۔
واضح رہے کہ گزشتہ کاروباری روز کے اختتام پر انڈیکس 138 پوائنٹس کے اضافے سے 1 لاکھ 66 ہزار 283 پوائنٹس کی سطح پر بند ہوا تھا۔
