سونے اور چاندی کی قیمتوں میں معمولی کمی، فی تولہ کیا رہی ؟
کراچی:(دنیا نیوز) سونے اور چاندی کی قیمتوں میں معمولی کمی سامنے آئی ہے۔
عالمی ومقامی گولڈ مارکیٹس میں قیمت میں ایک دن کے وقفے کے بعد دوبارہ کمی آئی ہے،24 کیرٹ فی تولہ سونے کے دام 600 روپے گرکر 481862 روپے پرآگئے۔
دوسری جانب دس گرام سونے کے بھائو بھی 515 روپے کم ہوکر 413118 روپے رہے۔
علاوہ ازیں چاندی کی فی تولہ قیمت 43 روپے کم ہو کر 9482 روپے پر آ گئی،عالمی منڈی میں فی اونس سونا 6 ڈالر سستا ہوکر 4595 ڈالر کا ہوگیا۔
واضح رہے گزشتہ روز بین الاقوامی بلین مارکیٹ میں فی اونس سونے کی قیمت بغیر کسی تبدیلی کے 4ہزار 601ڈالر کی سطح پر مستحکم رہنےکے باعث فی تولہ سونے کی قیمت 4لاکھ 82ہزار 462 روپے رہی تھی ۔
