کراچی میں نیشنل گیمز میں دلچسپ مقابلے، آرمی کی میڈلز کی ڈبل سنچری
کراچی: (دنیا نیوز) کراچی میں 35 ویں نیشنل گیمز میں دلچسپ مقابلے جاری ہیں۔
آرمی نے میڈلز کی ڈبل سنچری مکمل کر لی، خواتین سوئمنگ مقابلے اختتام پذیر ہوگئے، جہاں آرا نبی بہترین سوئمر قرار پائیں، تین گولڈ کے ساتھ واپڈا کی سوئمرز کا تیسرا نمبر رہا، ریسلنگ کے مقابلوں میں واپڈا نے پانچ گولڈ میڈلز کے ساتھ پہلی پوزیشن حاصل کی۔
سکواش ایونٹ میں آرمی نے تین گولڈ میڈل جیت لئے، خواتین کی انفرادی ایونٹ میں آرمی کی زینب خان نے طلائی تمغہ حاصل کیا، مینز اور ویمنز ٹیم ایونٹ میں پاکستان آرمی فاتح رہی۔
چند روز قبل 10ہزار میٹر کی ریس میں بروےز میڈل جیتنے والی سندھ کی 9سالہ ایتھلیٹ کائنات خلیل کو 5ہزار میٹر کی ریس میں شرکت سے روک دیا گیا، ریس میں شرکت سے روکنے پر کائنات خلیل اپنے کوچ سے لپٹ کر رو پڑیں۔
کوچ نے اپنے ردعمل میں کہا دیگر مقابلوں میں کئی کم عمر کھلاڑی شریک ہیں لیکن انہیں نہیں روکا گیا۔
