×

کھیل

ہیری کین بیلن ڈی اور جیتنے والے پانچویں انگلش فٹبالر بن گئے

بند کریں

لندن: (ویب ڈیسک) انگلینڈ اور جرمن کلب بائرن میونخ کے اسٹار اسٹرائیکر ہیری کین نے بیلن ڈی اور ایوارڈ جیت کر نئی تاریخ رقم کردی۔

ہیری کین 2001 میں مائیکل اوون کے بعد یہ اعزاز حاصل کرنے والے پہلے جبکہ مجموعی طور پر پانچویں انگلش فٹبالر بن گئے ہیں۔

ان سے قبل اسٹینلے میتھیوز، بوبی چارلٹن، کیون کیگن اور مائیکل اوون یہ کارنامہ انجام دے چکے ہیں۔

33 سالہ ہیری کین نے گزشتہ سیزن میں شاندار کارکردگی کا مظاہرہ کرتے ہوئے کلب اور قومی ٹیم کی جانب سے مجموعی طور پر 65 میچز میں 73 گول اسکور کیے جبکہ 8 گولز میں معاونت بھی فراہم کی۔

 

— Ballon d Or (@ballondor) October 26, 2026

ان کی اس غیر معمولی کارکردگی نے انہیں دنیا کے بہترین کھلاڑی کے اعزاز کا مضبوط امیدوار بنایا۔

ایوارڈ کی دوڑ میں فرانس کے کائیلیان ایمباپے دوسرے جبکہ سپین کے نوجوان اسٹار لامین یامال تیسرے نمبر پر رہے۔

 

— Ballon d Or (@ballondor) October 26, 2026

ہیری کین نے ایوارڈ جیتنے کے بعد کہا کہ ان کے کیریئر میں کئی اتار چڑھاؤ آئے تاہم مسلسل محنت، خود اعتمادی اور عزم نے انہیں اس مقام تک پہنچایا۔

بائرن میونخ کی جانب سے کین نے گزشتہ سیزن میں تمام مقابلوں میں 61 گول کیے جو کلب کی تاریخ میں ایک سیزن کے دوران کسی بھی کھلاڑی کی سب سے زیادہ تعداد ہے۔

انہوں نے بنڈس لیگا میں 36 اور چیمپئنز لیگ میں 14 گول اسکور کیے۔

دلچسپ بات یہ ہے کہ بڑے عالمی اعزازات جیتنے میں ناکامی کے باوجود کین نے اپنی انفرادی کارکردگی کی بنیاد پر بیلن ڈی اور اپنے نام کیا۔

اب ان کی نظریں اگلے سیزن میں یہ اعزاز برقرار رکھنے پر ہوں گی۔