مریدکے: موٹر سائیکل سوار ٹرین سے ٹکرا کر جاں بحق
مریدکے:(دنیا نیوز) پنجاب کے علاقے مریدکے میں موٹر سائیکل سوار ٹرین سے ٹکرا کر جاں بحق ہوگیا۔
ریسکیو ذرائع کے مطابق حادثہ کالاشاہ کاکو نالہ ڈیک کے ریلوے ٹریک پرپیش آیا جہاں موٹر سائیکل سوار ٹریک عبور کرتے ہوئے ٹرین تلے آکر کچلا گیا۔
اس حوالے سے ریلوے گارڈ کا کہنا تھا کہ ٹرین لاہور سے راولپنڈی جا رہی تھی کہ موٹر سائیکل سوار زد میں آکر موقع پر ہی دم توڑ گیا۔
مرنے والے شخص کی لاش کو ریسکیو اہلکاروں نےمقامی ہسپتال منتقل کردیا جہاں ضروری کارروائی کے بعد ورثا کے حوالے کی جائے گی۔
