موٹروے پر آئی جی اسلام آباد کے سکواڈ کی گاڑی کو حادثہ، اہلکار جاں بحق
شیخوپورہ: (دنیا نیوز) موٹروے پر آئی جی اسلام آباد کے سکواڈ کی گاڑی کو حادثہ، ایک اہلکار جاں بحق جبکہ 4 زخمی ہوگئے۔
پولیس ذرائع کے مطابق حادثہ شیخوپورہ کے قریب موٹروے پر گاڑی کا ٹائر پھٹنے کے باعث پیش آیا، جاں بحق ہونیوالے اہلکار کی میت اور زخمیوں کو ڈی ایچ کیو ہسپتال شیخوپورہ منتقل کردیا گیا۔
جاں بحق ہونیوالے اہلکار کی شناخت ڈرائیور صفدر شاہ کے نام سے ہوئی جبکہ زخمیوں میں جمیل، بلال اور دیگر شامل ہیں۔
