سعودی عرب:جانور کی قربانی کے وقت گھر میں شیر گھس آیا
سعودی عرب میں عید قربان پر ایک گھر میں اس وقت شیر گھس آیا جب اہل خانہ ایک جانور کی قربانی کے لیے اسے ذبح کر رہے تھے
ریاض (این این آئی)عرب ٹی وی کے مطابق ایک سعودی شہری ھیثم خالد نے اپنے گھر میں قربانی کے وقت داخل ہونے والے شیر کی ویڈیو جاری کی ہے ۔ اس نے بتایا کہ ہم جانور ذبح کر رہے تھے کہ اچانک گھر کی دیوار پر شیر کو دیکھ کر دنگ رہ گئے ۔ شیر چند میٹر کے فاصلے پر ہمیں اور ذبح کیے گئے جانور کو للچائی نظروں سے دیکھ رہا تھا۔ شیر کے گھر میں گھس آنے پر شور بپا ہو گیا اور ہرطرف سے شیر شیر کی آوازیں آنے لگیں، ہم سب حیران اور خوف زدہ ہو گئے تھے ۔ اہل خانہ نے پولیس اور شہری دفاع کے عملے کو مدد کے لیے طلب کیا۔
روزنامہ دنیا ایپ انسٹال کریں
