امریکا:کمسن بہن بھائی گاڑی لیکر گھر سے 320کلومیٹر دور پہنچ گئے
واشنگٹن (این این آئی)امریکا میں کم سن بہن بھائی گاڑی لے کر گھر سے 320 کلومیٹر دور پہنچ گئے ۔
غیر ملکی میڈیا کے مطابق حکام نے بتایا کہ فلوریڈا کا ایک 10 سالہ
بچہ اور اس کی 11 سالہ بہن کیلی فورنیا بھاگ رہے تھے ، دونوں بچوں نے اپنی والدہ کی کار میں 320 کلومیٹرکا سفر طے کرلیا۔حکام کے مطابق دونوں بچے اس وقت بھاگے جب ان کی والدہ نے سزا کے طور پر بچی سے الیکٹرانکس ڈیوائس چھین لی تھی۔بچے نے حکام کو بتایا کہ اس کی بہن پریشان تھی کہ ان کی والدہ نے بدتمیزی سے اس کے الیکٹرانک آلات چھین لیے تھے ، اس لیے اپنی بہن کو کیلیفورنیا لے جا رہا تھا،حکام نے بچوں کو ماں کے حوالے کر دیا ۔
روزنامہ دنیا ایپ انسٹال کریں
