لندن :چاقو کے وار سے 19سالہ نوجوان قتل،مشکوک شخص گرفتار
لندن(این این آئی)جنوبی لندن میں 19سالہ نوجوان کو چاقو کے وار کر کے قتل کر دیا گیا،پولیس نے ایک مشکوک شخص کو گرفتار کر لیا۔
برطانوی میڈیا کے مطابق 19 سالہ نوجوان جوبلی پارک میں ہونے والے حملے میں شدید زخمی ہوا۔برطانوی پولیس کی رپورٹ میں بتایا گیا کہ ایئر ایمبولینس بلائی گئی لیکن نوجوان زخموں کی تاب نہ لاتے ہوئے دم توڑ گیا۔ پوسٹ مارٹم رپورٹ کے مطابق دل پر چاقو لگنے کو موت کی وجہ بتایا گیا ہے ۔پولیس کی جانب سے واقعے کے عینی شاہدین سے آگے آنے کی اپیل کی گئی ہے ۔
روزنامہ دنیا ایپ انسٹال کریں
