سورج آج 12 بج کر 18 منٹ پر خانہ کعبہ کے عین اوپر ہوگا،سعودی حکام
ریاض(اے پی پی)سعودی حکام نے کہا ہے کہ آج سورج دن 12 بج کر 18 منٹ پر خانہ کعبہ کے عین اوپر ہوگا،اس سے قبلہ رخ کا تعین کیا جاسکتا ہے۔
اردو نیوز نے سعودی عرب کی فلکیاتی سوسائٹی کے نگران انجینئر ماجد آل زاہرہ کے حوالے سے بتایا کہ سال میں دوبار سورج خانہ کعبہ کے عین اوپر ہوتا ہے جس سے قبلہ رخ کا تعین کرنے میں مدد ملتی ہے ۔ انہوں نے کہا کہ ماضی میں لوگ اس وقت جب سورج خانہ کعبہ کے عین اوپر ہوتا تھا ،چھڑی زمین میں گاڑکر اس کے سائے سے قبلہ رخ کا تعین کرتے تھے۔
روزنامہ دنیا ایپ انسٹال کریں
