مودی ڈرپوک آدمی ، جنگ کرنیکی ہمت نہیں،ستیہ پال ملک
نئی دہلی ،سرینگر(مانیٹرنگ ڈیسک)مقبوضہ کشمیر کے سابق گورنر ستیہ پال ملک نے کہا ہے کہ نریندر مودی ڈرپوک اور بے شرم آدمی ہے ، اس میں جنگ کرنے کی ہمت نہیں۔
ایک انٹرویو میں سابق گورنر مقبوضہ کشمیر کا کہنا تھا کہ پہلگام واقعے پر مودی پورے بھارت کو بے وقوف بنا رہا ہے۔ سکیورٹی میں ناکامی پر مودی کو قوم سے معافی مانگنی چاہیے ، مودی ہو یا امیت شاہ انہیں کشمیر کے معروضی حقائق کا کوئی علم نہیں۔ بھارتی حکومت کی سکیورٹی ریویو میٹنگ گپ شپ اور لنچ کے لیے ہوتی ہیں۔ مودی حکومت نااہلوں پر مشتمل ہے ، یہ ان کا نصیب ہے جو یہ ملک چلا رہے ہیں۔ سابق گورنر مقبوضہ کشمیر کے مطابق شک کی بنیاد پر کشمیریوں کے گھر گرانا غلط ہے ، مودی سرکار ہندو مسلم تقسیم برقرار رکھنا چاہتی ہے اور موقع ملنے پر اسے بڑھاوا دینا چاہتی ہے ۔سوشل میڈیا پر ایک بھارتی سیاسی رہنما کی ایک ویڈیو وائرل ہو رہی ہے جس میں انہوں نے مودی کو سخت تنقید کا نشانہ بناتے ہوئے کہا کہ ان کو وزیراعظم کے عہدے سے مستعفی ہو کر دوبارہ چائے بیچنی چاہیے ۔
