بیوٹی سیلونز کی بے روزگار لڑکیوں کیلئے فنڈز دئیے جائیں:نرگس
سینئر اداکارہ نرگس نے بھی لاک ڈاؤن کی وجہ سے بیوٹی سیلونز سے وابستہ خواتین کی مالی مشکلات کا تذکرہ کرتے ہوئے اپنا ویڈیو پیغام جاری کیا
لاہور(لیڈی رپورٹر سے )جس میں انہوں نے کہا کہ اس کاروبار سے وابستہ 80 فیصد بیوٹی سیلونز کی لڑکیاں بے روزگار ہوگئی ہیں، کئی لڑکیوں نے گھروں میں بیوٹی سروسز دینی شروع کردی جو سراسر غلط ہے ۔ نرگس نے حکومت سے اپیل کی کہ بے روزگار لڑکیوں کیلئے فنڈز دئیے جائیں، ایسے ایس او پیز بنا دئیے جائیں جو بیوٹی سیلونز کیلئے بھی فائدہ مند ہوں ۔ بہت سے گھر بیوٹی سیلونز کی کمائی پر چل رہے ہیں ،قواعد و ضوابط کے تحت بیوٹی سیلونز کے وقت مقرر کئے جائیں ۔
روزنامہ دنیا ایپ انسٹال کریں
