ریما خان نے نعت پڑھنے کیلئے سجاد علی کی شاگردی اختیار کرلی
اداکارہ نے سجاد سے نعت پڑھنے کی باقاعدہ تربیت لیتے ہوئے ویڈیو شیئر کردی
لاہور(لیڈی رپورٹر سے ) اداکارہ ریما خان کا نعتیہ کلام پڑھنے کا شوق عروج پر جا پہنچا اورانہوں نے نعت پڑھنے کا فن سیکھنے کیلئے گلوکار سجاد علی کی شاگردی اختیارکرلی ، اداکارہ نے سوشل میڈیا پر ایک ویڈیو بھی شیئر کی ہے جس میں وہ گلوکار سجاد علی سے نعت پڑھنے کی باقاعدہ تربیت لے رہی ہیں ۔ریما خان نے گلوکار و نوحہ خوان فرحان علی وارث کیسا تھ خوبصورت نعتیہ کلا م ’’اللہ کرے یہ دعائیں میری عرش معلی پرجائیں ،میری دنیاپر جنت بنائیں ‘‘ بھی ریکارڈ کرایا ہے ، جسے سجاد علی نے تحریر و کمپوز کیا ہے ،اس نعتیہ کلام کو سوشل میڈیا پر بیحد پسند کیا جارہاہے ۔
روزنامہ دنیا ایپ انسٹال کریں
