منصوبے ہمارے ،آخر میں فیصلہ اللہ کا ہی ہوتاہے :مایا علی
رب ہمیں ضرورت مند لوگوں کی مدد کیلئے اچھی صحت اور ہمت عطاکرے :اداکارہ
لاہور(لیڈی رپورٹر سے ) اداکارہ مایا علی کا کہنا ہے کہ سال 2020نے سِکھا دیا کہ منصوبے ہمارے ہوتے ہیں لیکن آخر میں فیصلہ اللہ تعالیٰ کا ہی ہوتا ہے ۔سوشل میڈیا پر اپنی پوسٹ میں اداکارہ نے لکھا کہ میں مستحقین کی مدد کرنے کیلئے سرگرم ہوں اور تمام لوگوں کی سپورٹ سے راشن بیگز مستحقین میں تقسیم کئے جارہے ہیں ۔انہوں نے یہ بھی لکھا کہ اللہ ہمیں ضرورت مند لوگوں کی مدد کرنے کے لئے اچھی صحت اور ہمت عطا کرے ۔ اداکارہ کا کہناتھاکہ یہ بات اچھی طرح سمجھ میں آگئی ہے ہم جو مرضی کریں حتمی فیصلہ اللہ تعالیٰ کا ہوتاہے ۔
روزنامہ دنیا ایپ انسٹال کریں
