ٹاپ 10بھارتی فلموں میں شاہ رخ کی سلمان خان کو شکست
ممبئی(شوبز ڈیسک)بھارت میں سب سے زیادہ کمائی کرنیوالی ہندی فلموں کی فہرست میں شاہ رخ خان کی فلم ’جوان‘ سرفہرست ہے۔
بھارتی میڈیا کے مطابق بھارت میں سب سے زیادہ کمائی کرنے والی ٹاپ 10 ہندی فلموں کی فہرست گزشتہ روز سماجی رابطے کی ویب سائٹ ایکس (ٹوئٹر) پر جاری کی گئی، جن میں بالی ووڈ کے تین خانز یعنی شاہ رخ خان، سلمان خان اور عامر خان کی دو دو فلمیں شامل ہیں جبکہ سنی دیول، پربھاس، یش اور رنبیر کپور کی بھی ایک ایک فلم اس فہرست میں شامل ہے، شاہ رخ خان کی فلم نے بھارت میں اب تک 525.5 کروڑ کی کمائی کرلی ہے، سنی دیول کی فلم ’غدر2 524.8 کروڑ کے ساتھ دوسرے نمبر پر ہے جبکہ شاہ رخ خان کی رواں سال جنوری میں ریلیز ہونے والی فلم ’پٹھان‘ 524.53 کروڑ روپے کی کمائی کے ساتھ ٹاپ 3 فلموں میں شامل ہیں۔ بالی ووڈ کے دبنگ سٹار سلمان خان کی دو فلمیں ’ٹائیگر زندہ ہے‘ 339.16 کروڑ کی کمائی کے ساتھ نویں نمبر جبکہ اُن کی فلم ’بجرنگی بھائی جان‘ 320.34 کروڑ کما کر دسویں نمبر پر موجود ہے۔
