’’شکریہ‘‘، ہاردک سے طلاق کے سوال پر نتاشا کاجواب
ممبئی(شوبز ڈیسک) بالی ووڈ اداکارہ نتاشا کی بھارتی کرکٹ ٹیم کے نائب کپتان ہاردک پانڈیا سے طلاق کی خبر کے بعد سوشل میڈیا پر نئی ویڈیو وائرل ہورہی ہے جس میں اُنہیں اداکارہ دیشا پٹانی کے بوائے فرینڈ کے ساتھ دیکھا جاسکتا ہے ۔
ویڈیو میں نتاشا ریستوران سے دیشا پٹانی کے بوائے فرینڈ کے ہمراہ باہر نکلتی ہیں تو سامنے بھارتی میڈیا کے فوٹوگرافرز موجود ہوتے ہیں۔ نتاشا کیمرے کے سامنے پوز دیتی ہیں تو صحافی اداکارہ سے پوچھتی ہیں کہ آپ ہادرک پانڈیا سے طلاق کی خبروں پر کیا کہنا چاہیں گی؟،صحافی کا سوال سُن کر نتاشا مسکراتے ہوئے شکریہ کہہ کر وہاں سے چلی جاتی ہیں اور پھر اپنی گاڑی میں بیٹھ جاتی ہیں۔یاد رہے کہ ہاردک پانڈیا نے مئی 2020 میں ممبئی کی ایک عدالت میں اداکارہ نتاشا سے شادی کی تھی اور گزشتہ سال فروری میں پانڈیا نے دوبارہ نتاشا سے شادی کی تھی، اس جوڑی کا ایک بیٹا بھی ہے ۔
